மைசூர் அரண்மனையும், தசராவும், சாமுண்டீஸ்வரியும்

மைசூரில் தசரா

இந்த   மூன்று  புகைப்படங்களும் ஃபோட்டோ வாங்கி எடுத்தது.  மஹிஷாசுரனை அழித்து வெற்றித் திருமகளாய் ஜொலிக்கும் சாமுண்டா தேவி இவள்.

மைசூர் அரண்மனையும், தசராவும், சாமுண்டீஸ்வரியும்

  சாமுண்டி தேவி அரசோச்சும் மைசூருக்கு தசரா பார்க்கப் போனேன் சில நாட்கள் முன்பு. பாக்கேஜ் டூர்களை நம்பிப் போனால் நாம் அதன் முழு அழகையும் ரசிக்க முடியாது. தனியாகப் போனால்தான் நின்று நிதானமாகப் பார்த்து வர முடியும்.

  மேலும் தசராவின் கடைசி  இரு நாட்கள் தான் ஒளி அலங்காரமும் , ஊர்வலமும் இருக்குமாம். தினப்படி  அரண்மனை வளாகத்தில் மேடை போடப்பட்டு  சேர்கள் அடுக்கப்பட்டிருந்தன.

  நல்ல மதிய வெய்யிலில் என்றும் பார்த்து வரும் அரண்மனையையும், அதன் பிரம்மாண்டத்தையும், ஓவியங்களையும், சிற்பங்களையும், பளபளப்பையும் திரும்ப ரசித்து வந்தேன்.

  வெள்ளிக் கதவுகள் , தங்க சிம்மாசனங்கள் எல்லாம் மெருகேறி இன்னும் ஜொலிக்கின்றன. தசராவுக்குத் தயாராகிக் கொண்டிருக்கிறது அரண்மனை. பொதுமக்களுக்குத் திறந்து விடப்பட்ட பாதைகளின் வழியே சென்று வந்தோம். கண்ணாடிக் கூண்டுகளுக்குள் இருக்கும் விலைமதிப்பிலாத பொருட்கள் வெகு சிறப்புத்தான்.

  மாட மாளிகை என்ன கூட கோபுரமென்ன., உப்பரிகை, மாடங்கள், மண்டபங்கள், கோயில்கள், கோபுரங்கள், யப்பா, நல்லாத்தான் வாழ்ந்திருக்காங்க அந்தக் கால ராஜாக்கள். கிருஷ்ண ராஜ உடையார் தவிர வேறு ராணிகள் பெயர் எல்லாம் படித்தவுடன் மறந்து விடுகிறது.

  நூற்றுக் கணக்கான காவலர்கள் பாதுகாப்பில் அரண்மனை பக்காவாக இருக்கிறது. என்ன  எதையும் புகைப்படம் எடுக்க முடியவில்லை அதுதான் குறை. வாயிலிலேயே காமிரா, செல்ஃபோன் எல்லாவற்றையும் லாக்கரில் வைத்து சாவியை எடுத்துக் கொண்டு போகணும். சரியாக ப்ளான் செய்யாமல் முன்னரே சென்றதால் அரண்மனையின் வெளிப்பக்கம் கிடைத்ததை எடுத்து வந்தேன்.

  வழக்கம் போல நானும் உங்களைப் போல ஃபோட்டோவில்தான் மைசூரின் தசரா கொண்டாட்டங்களையும் விளக்கு அலங்காரத்தையும் பார்த்தேன்.அடித்துப் பொழிந்த மழையில் நனைந்து மஹிஷாசுரனை அழித்து வெற்றித் திருமகளாய் ஜொலிக்கும் சாமுண்டா தேவியை மட்டும் கண்குளிரக் குளிர நன்கு தரிசித்து வந்தேன்.