கொள்ளை கொள்ளும் கேரள வீடுகள்.

கொள்ளை கொள்ளும் கேரள வீடுகள்.

சில மாதங்களுக்கு முன்பு கேரளா செல்ல நேர்ந்தது. அங்கே நான் வியந்தது வீடுகள்.. நதிக்கரையோரம் அழகழகான வீடுகள்.. யப்பா.. சம்பாதித்த காசை எல்லாம் கொட்டிக் கட்டி இருக்கிறார்கள். கேரள வீடுகள் அதிகமாய் மர வேலைப்பாடுகள் கொண்டவை.

மிகுந்த அழகுணர்ச்சியோடு வீடுகள் அமைக்கப்பட்டுள்ளன.மழைக்காக படுதாக்களும் அமைக்கப்பட்டுள்ளன.சுற்றிலும் தென்னை மரங்கள் அழகூட்டுகின்றன. பலா, தென்னை, வாழை இல்லாத வீடுகளைப் பார்ப்பது அரிது.

நேர்த்தியாகக் கட்டப்பட்டது மட்டுமல்ல. மிகுந்த கலை நயத்தோடும் அலங்கரித்திருக்கிறார்கள். கம்பளம் கூட வாசலில் பச்சைக் கம்பளம். ஒரே பசுமை.

தோட்டங்களைப் பராமரிப்பதும் தொட்டிச் செடிகளைப் பராமரிப்பதும் அவர்களுக்கும் பிடித்தமான ஒன்று.

தோட்டத்தில் இருக்கும் பூக்களோடு நூற்றுக் கணக்கில் தொட்டிச் செடிகளையும் வளர்க்கிறார்கள்.

 இயற்கையின் காதலர்கள் இவர்கள் எனச் சொன்னால் மிகையாகாது.

வீட்டைச் சுற்றிலும் மட்டுமல்ல. தொட்டிகளிலும் பால்கனியிலும் தட்டில் தொட்டிகள் வைத்துச் செடிகள் வளர்க்கிறார்கள்.

எளிமையும் அழகும் கொண்ட டைனிங் டேபிள்.

இன்னொரு டைனிங் டேபிள் சாப்பாட்டு வகையறாக்களுடன். 

மாடிப்படிகளிலும் அலங்காரப் பொருட்கள். பூக்கள், பொம்மைகள்,

அழகான ஷாண்ட்லியர்கள்.

குளிர் , மழை, வெய்யில் என எல்லா சீசன்களிலும் தாக்குப் பிடிக்கும் மர வேலைப்பாடு கொண்ட சுவர்கள். 

அரண்மனையைப் போன்ற பிரம்மாண்டமான வீடுகள். நுண்ணிய வேலைப்பாடுகள்.

இது பத்மநாப சுவாமி கோயிலின் அருகில் உள்ள ஒரு வீடு. அப்பப்பா.. கண் கொள்ளாத அழகுகளைப் பார்த்துப் பிரமித்து புகைப்படம் எடுத்து வந்தேன்.