சண்டே ஹோ யா மண்டே..

சண்டே ஹோ யா மண்டே..

மேரி ஜான் மேரி ஜான் என்றொரு பாட்டு கேட்டிருப்பீங்க. அதுல ’சண்டே ஹோ யா மண்டே ரோஜ் காவோ அண்டே’ என்று பாடுவாங்க. அப்பிடின்னா. ’எல்லா நாளுமே முட்டை சாப்பிடுங்க’ என்று முட்டைக்கான விளம்பரப் பாட்டு அது. பேலியோ டயட்ல கூட ஒவ்வொரு வேளையும் ரெண்டு அவிச்ச முட்டை சாப்பிட சொல்றாங்க. காய்கறிகளோட..

முட்டை அசைவமா சைவமான்னு சர்ச்சைக்குள்ள நான் போக விரும்பல. அது வேற டிபார்ட்மெண்ட். நாம் இப்ப ஒன்லி நியூட்ரீஷனல் & ஹெல்த் டிபார்ட்மெண்ட் பத்திப் பேசுவோம்.

வயசானா பால் & முட்டை ஓரளவு எடுத்துக்கணும். எலும்புகளில் கால்ஷியம் சத்து குறைஞ்சிட்டே வர்றதால காஃபியையே நாலு வேளை மண்டாம ( இல்லாட்டி டீயை மண்டாம-- என்னச் சொன்னேன் :)  ) ஒரு நேரம்.. அதாவது டிஃபன் சாப்பிட்ட பின்னாடி பால் & இரவு சாப்பிட்ட பின்னாடி பால் எடுத்துக்கலாம். ( அது ஏ1 ஆ இல்ல ஏ2 வாங்கிற சர்ச்சைக்கும் நாம் போக வேண்டாம். பசுமாட்டுப் பால் நல்லது :)

அப்புறம் அசைவம் சாப்பிடுறவங்க வாரம் மூணு முறையாச்சும் அவிச்ச முட்டை எடுத்துக்குங்க. அது வாய்வு பிடிக்கும்னா பூண்டு போட்டு தாளிச்ச முட்டைப் பொரியல் இல்லாட்டி மிளகு வெங்காயம் போட்ட ஆம்லெட் இல்லாட்டி வெஜிடபிள் ஆம்லெட்டா சாப்பிடலாம்.

வயதாவதால் கால்ஷியம் குறைபாடால எலும்பு தேய்வது, குட்டையாக தோற்றம் தருவது இதை எல்லாம் இது தவிர்க்கும். மேலும் கண்பார்வைக்கும் நல்லது. சரிவிகித ப்ரோட்டீன் இருக்கு.  சிறுவர்களுக்கும் பெண்களுக்கும் கூட இன்றியமையாதது.

வாங்க பட்டையக் கிளப்புவோம் முட்டைப் பிரியர்களே.

இது #அவிச்ச முட்டை . மிளகு உப்பு போட்டு பிரட்டி இருக்கு. ( ஹார்லிக்ஸ்  விளம்பரம் மாதிரி அப்பிடியே சாப்பிடலாம் :)

 

முட்டையை அடிச்சு பொடியா அரிஞ்ச வெங்காயம் பச்சைமிளகாய், உப்பு மிளகுத்தூள் போட்டு வேகவைச்சு வெட்டி குழம்புல போட்டுருக்கு. இதுக்குப் பேரு #கேக் முட்டைக் குழம்பு.