எனது 24 நூல்கள்

எனது 24 நூல்கள்
எனது இருபத்து நான்கு நூல்கள்
HOTEL லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
HOTEL லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

திங்கள், 2 டிசம்பர், 2024

ஹோட்டல் சந்திரா பார்க் இன்ன்

 ஹோட்டல் சந்திரா பார்க் இன்ன்

 சென்னை எக்மோரில் உள்ள சந்திரா பார்க் இன்னில் ஜெர்மனி சென்று திரும்பியதும் தங்கினோம். வசதியான ஹோட்டல்தான். ஆனால் ரிப்பேர் வேலைகள் நடந்து கொண்டிருந்தன.  எகனாமி ஸ்டே.


செவ்வாய், 4 மே, 2021

வேதாஸ் ஸ்டேயின் விநோத ஓவியங்கள்.

தஞ்சாவூரில் உள்ள வேதாஸ் ஸ்டே ஹோட்டலில் இரண்டு நாட்கள் தங்கியிருந்தோம்.கொரோனாவின் கழிமுகப் பகுதியில் தஞ்சை சென்றபோது மிக அடர்த்தியான மக்கள் தொகை கொண்ட தெருவில் அமைந்திருக்கும் இந்த ஹோட்டலில் தங்க சிறிது யோசனைதான். கார் பார்க்கிங் வேறு இல்லை. இருந்தும் ஹோட்டலும் அறைகளும் வசதியுடன் இருந்தன. 

ரூம் க்ளீனிங் செய்யச் சொன்னால்தான் செய்கிறார்கள். 

ஞாயிறு, 28 மார்ச், 2021

ஸ்லேட் மெனு கார்டும், மரப்பெட்டியில் பில்லும்.

ஸ்லேட் மெனு கார்டும், மரப்பெட்டியில் பில்லும்.

சுவாமிமலை ஸ்டெர்லிங் ஹோட்டலில் வித்யாசமான ஒரு காட்சி.

புராதனப் பொருட்கள் வைக்கப்பட்டுள்ள பாரம்பரிய மியூசியம் போல இருக்கு. அதோடு ஸ்லேட்டில் மெனு கார்ட், மரப் பெட்டியில் பில் என்று பழமையின் அம்சங்கள் கவர்ந்திழுத்தன. 


மெனு என்னவோ வழக்கம்போல உள்ள மெனுதான். டொமேட்டோ சூப். 

சனி, 27 மார்ச், 2021

ஹோட்டல் சென்னை கேட், எக்மோர்.

ஹோட்டல் சென்னை கேட், எக்மோர்.

தினமணியின் சிறுகதைக்கான ஆறுதல் பரிசைப் பெற  ( நாரத கான சபாவில் சிவசங்கரி கையால் பரிசு வாங்க ) சென்னை சென்றிருந்தபோது ஹோட்டல் சென்னை கேட்டில் தங்க நேரிட்டது.

எக்மோர் ரயில்வே ஸ்டேஷன் எதிரிலேயே உள்ளது இந்த ஹோட்டல். இருவர் தங்க 1300/- ரூபாய் ஒரு நாளைக்கு.

கண்கவர் எக்மோரின் காட்சியைக் கண்டு ரசித்துக்கொண்டே இருக்கலாம்.  


டபுள் காட் & பெட், ஏசி, ஹாட்வாட்டர், வைஃபை வசதி இருக்கு. 

புதன், 24 மார்ச், 2021

ஈஸ்ட்மென் கலரில் ஒரு பாஸ்கரன்.

ஈஸ்ட்மென் கலரில் ஒரு பாஸ்கரன்.

சாதாரணமான ஊர்ல ஒரு அசாதாரணமான வசதியோட ஹோட்டலைப் பார்த்தா சந்தோஷமா இருக்கும்தானே. அதிலும் இங்கே காலை பஃபே கிடையாது. ரூம் ரெண்ட் ஆயிரம் ரூபாய்தான்/ஒரு நாளைக்கு.

திருநெல்வேலியின் கல்லிடைக்குறிச்சியில் செட்டிப் பிள்ளை தெருவில் இருக்குது இந்த ஹோட்டல். ஃபேமிலியோடு தங்க டீஸண்டான ஹோட்டல். பேரு பாஸ்கர் ஹோட்டல்.

ஆனா ஹோட்டல் ரூம் ஒரே வண்ணமயமா இருக்குது. அது தலைவருக்குப் பிடிச்சிது. அதுனால எனக்கும் பிடிக்குது :) இப்பிடி ஒரு ஈஸ்ட்மென் கலரில் பொருட்களும் லைட்டிங்கும் இருக்குற ஹோட்டலை நாங்க பார்த்ததேயில்லை. நல்ல வசதியான பெரிய அறை. உள்ளே டபிள்/ட்ரிபிள் பெட். கபோர்ட், டிவி, சர்வீஸ் டேபிள். ஏசி, குடி தண்ணீர், ப்ளேட்டுகள்.

பெட்டின் மேல் மூன்று தலையணைகள், எக்ஸ்ட்ரா திண்டும் இருக்கு. பக்கத்தில் இண்டர்காம். பெட்டின் மேல் தேங்காய்ப்பூத் துவாலை.

செவ்வாய், 23 மார்ச், 2021

மௌண்ட் ரோடு ஹோட்டல் ப்ளானட் க்ராண்டே.

மௌண்ட் ரோடு ஹோட்டல் ப்ளானட் க்ராண்டே.

அண்ணாசாலையில் தேனாம்பேட்டை டி எம் எஸ்ஸுக்கு எதிரில் அமைதிருக்கும் இது பட்ஜெட் ஹோட்டல். 2 ஸ்டார் ஹோட்டல். OYO மூலம்தான் புக் செய்ய முடியும். ரூம் ரெண்ட் 1400/- என நினைக்கிறேன்.

 தேனாம்பேட்டை டி எம் எஸ் எதிரில் இதன் மெயின் டோர் பக்கவாட்டில் உள்ளது. தங்கும் அறைகள் மேலே. மேல்மாடியில் காலை பஃபே.  தினம் காலையில் சப்ளிமெண்ட்ரி ப்ரேக்பாஸ்ட் உண்டு. ஆனால் இரண்டு மூன்று ஐட்டங்கள் மட்டும்தான். காஃபியோ டீயோ உண்டு.

இது ஏர்போர்ட் போக பக்கம்.பஸ் ஸ்டாப் எதிரில் உள்ளது. இங்கிருந்து பீச்சுக்கும் செல்லலாம்.

ஞாயிறு, 21 மார்ச், 2021

விஷ்ணுப்பிரியாவில் தீபிகா படுகோனே. !

விஷ்ணுப்பிரியாவில் தீபிகா படுகோனே. !

ஆர்வியில் ரூம் ரெண்ட் அதிகமாகிவிட்டது. அதனால் கோவை பஸ் நிலையத்துக்கு அருகில் இருக்கும் விஷ்ணுப்பிரியாவில் ரூம் ரெண்ட் குறைவு என்பதால் தங்குவதுண்டு. அதிகமில்லை. இங்கேயும் இருவருக்கு 1500 இலிருந்து 1700 வரை.

காலையில் பஃபே உண்டு உண்டு. கோவையே ஒரே ஜிலு ஜிலு குளு குளுவென இருப்பதால் ஏசி ரூம் எடுத்தது வேஸ்ட்தான். பக்கத்திலேயே சவுத் இந்தியன் ஃபில்டர் காஃபி பித்தளை டவரா டம்பளரில் ( டபரா டம்ளர் ) அட்டகாசம்.

இங்கே ஒரு குறிப்பிட்ட சிறப்பு அம்சம். எல்லா ஃபர்னிச்சரும் லெதரால் செய்யப்பட்டது போல் இருந்தது.

இங்கே தீபிகா படுகோனேவைப் பார்த்து அசந்தேன். அத பின்னாடி போட்டிருக்கேன். :)


லிஃப்ட் .. கண்ணாடி.

சனி, 20 மார்ச், 2021

தென்காசி சௌந்தர்யாவில் மேக்னெடிக் கீ கார்ட்.

தென்காசி சௌந்தர்யாவில் மேக்னெடிக் கீ கார்ட்.

தென்காசி மிக அழகான ஊர். எங்கும் பச்சைப் பசுமை. தூரத்து வயல்கள், பசும் மலைகள். இந்த மேற்குத்தொடர்ச்சி மலைகளைத் தாண்டினால் கேரளாவாம்.

எங்கெங்கு நோக்கினும் அருவிகளில் குளியலாடச் செல்லும் மக்கள். ஜூலை, ஆகஸ்ட் , செப்டம்பர் மாதங்களில் இங்கே ஒரே கூட்டமும் போக்குவரத்து நெரிசலுமாக இருக்கிறது.

ஆடி வெள்ளியும் அதுவுமாக அக்கம் பக்கம் ஊர்களில் இருந்து இங்கே வருபவர்கள் அதிகம்.

உலகம்மன் காசி விசுவநாதர் ஆலயம் ஒன்பது நிலைகளுடன் மிகக் கம்பீரமாக நிற்கிறது. பதிநாலாம் நூற்றாண்டுக் கோயில் . அம்மனுக்கு, பெருமானுக்கு, சோமாஸ் ஸ்கந்தனுக்கு என்று தனித்தனிக் கோவில்களுடன் கூடிய கோவில். மிகப் பெரும் பிரகாரங்கள் கொண்ட பிரகாரங்கள்.

சாப்பாடு எல்லாம் சீப்தான். மீல்ஸ் 70. இட்லி தோசை எல்லாம் இருவருக்கு நூற்றைம்பது ரூபாய்க்குள் வரும். டீ 15 ரூ.

இந்த ஹோட்டல் சௌந்தர்யாவில் ஒன்லி போர்டிங்தான். மீல்ஸ் பஃபே எதுவும் கிடையாது. கேட்டால் ரூம் சர்வீஸில் சொல்லி வாங்கித் தருகிறார்கள்.

அமைதியான ஊர். ஒருவாரம் தங்கி ஒவ்வொரு அருவியாகக் குளிக்கலாம். மெயின் அருவியில் க்யூ, ஐந்தருவி பரவாயில்லை. ஆனால் வீட்டில் வெந்நீரில் குளியலாடியவர்களுக்கு ( அதாவது எனக்கு ) அங்கே அருவியில் நிற்பது சுவாசத்தை நிறுத்தி மூச்சுத் திணறியது.

திருஞான சம்பந்தருக்கும் கோவில் உள்ளது. ஐந்தருவி செல்லும் வழியில் அமைந்த சித்திர சபை பார்த்தோம் அபாரம் !

 குற்றாலம் இங்கிருந்து 4 கிமீ தொலைவில் உள்ளது.
இந்த ஹோட்டல் மூன்றடுக்கு மாளிகை. வைஃபை, கார் பார்க்கிங், ரூம் சர்வீஸ், ஏசி, ஹாட்வாட்டர் அனைத்தும் உண்டு.

வெள்ளி, 19 மார்ச், 2021

சரவணபவனில் ஒரு சூப்பர் டின்னர்.

சரவணபவனில் ஒரு சூப்பர் டின்னர்.

ஒரு ஃபேமிலி கெட்டுகெதர் சரவணபவன்ல நடந்தது. அங்கே எப்பவுமே பாசந்தியும் ரவா கிச்சடியும் சூப்பரா இருக்கும். அவங்கவங்களுக்குப் பிடிச்சத ஆர்டர் பண்ணி சாப்பிட்டோம். அதுனால எல்லாமே வந்தது டேபிளுக்கு.

ஸ்டார்ட்டர் :) ஸ்ப்ரிங் ரோல்ஸ் வித் டொமட்டோ கெச்சப்.

எங்க டேபிள்ல எல்லாருக்கும் டொமாட்டோ சூப்.

புதன், 17 மார்ச், 2021

திருவானைக்காவலில் டெம்பிள் இன்ன்.

திருவானைக்காவலில் டெம்பிள் இன்ன்.

திருச்சி திருவானைக்காவல் கோவிலுக்கருகில் இருக்கிறது டெம்பிள் இன். இங்கேயிருந்து ஸ்ரீரங்கம் பக்கம்.

சமயபுரத்தில் அன்று ஏதோ திருவிழா. திங்கள் இரவிலிருந்து நடைபயணத்திலும் பால்குடம் சுமந்தும் மக்கள் வெள்ளம் சென்று கொண்டிருந்தது. வழியெங்கும் உணவு தண்ணீர்ப்பந்தல்கள்.

பாலம் இன்னும் கட்டிக் கொண்டே இருக்கிறார்கள். எனவே பைபாஸ் வழியாக சட்டென்று உள்ளே வர முடியவில்லை. எத்தனை மாதத்தில் பாலம் முடியுமோ. இருக்கும் சந்து பொந்தெல்லாம் நுழைந்து காரில் ஒருவழியாக ஹோட்டலை அடைந்தோம்.

இதுவும் பட்ஜெட் ஹோட்டலே. ரூம் எல்லாம் பெரிதாகக் கவரவில்லை. ஆனால் இங்கே உணவுத் தரம் ஏ க்ளாஸ். இங்கே தங்குபவர்களை விட ஹோட்டலில் உணவருந்தவரும் கூட்டமே அதிகமா இருக்கு.
காலையில் பஃபே. ஆனால் இட்லி , தோசை, பொங்கல், வடை என்று வேண்டியதை கேட்டு வாங்கிக் கொள்ளலாம். சட்னி  வகைகளை நமக்கே நமக்கென்று ஒரு பெரிய ப்ளேட்டில் கிண்ணங்களை அடுக்கிக் கொடுத்து விடுகிறார்கள். சாம்பார் அட்டகாசம்.

புதன், 10 மார்ச், 2021

கோகுல் கிராண்ட் & ஷண்முகா .HOTEL GOKUL GRANDE & SHANMUGA

கோகுல் கிராண்ட் & ஷண்முகா .HOTEL GOKUL GRANDE & SHANMUGA

கோகுல் கிராண்ட் & ஷண்முகா

ஈரோட்டில் வலைப்பதிவர் சந்திப்புக்கும் சந்துரு அண்ணன் மகன் அருணின் திருமணத்துக்கும் சென்றிருந்தபோது இந்த கோகுல் கிராண்டிலும் ஷண்முகாவிலும் தங்கி இருந்தோம். இரண்டும் நல்ல பராமரிக்கப்படுகின்றன.

நல்ல வசதியான காற்றோட்டமுள்ள அறைகள். கோகுல் க்ராண்ட் ரயில்வே ஸ்டேஷன் பக்கம் உள்ளது. ஹோட்டல் ஷண்முகா சின்னமுத்து தெருவில் உள்ளது.

அவற்றில் எடுத்த சில புகைப்படங்கள் இங்கே.

அண்ணன் மருமகள் ஷாலினி செய்த வீணை வடிவிலான அழகிய சீர்த்தட்டுகள் !
கோகுல் கிராண்ட்

செவ்வாய், 9 மார்ச், 2021

போபால் ஜி ஷையில் செம்பு விநாயகர். BHOPAL GS G-SHY.

போபால் ஜி ஷையில் செம்பு விநாயகர். BHOPAL GS G-SHY.

குவாலியரிலிருந்து புறப்பட்டு போபாலுக்கு வந்து சேர்ந்தோம். விஷவாயு  கசிவு இருந்த ஊர் அல்லவா ஒரு மாதிரி விடிகாலைக் குளிரில் ஜிலீரென்று இருந்தது.
ரோட்டில் ஏதேதோ சிலைகள். மிக விசாலமான பெரிய ஊர். நாங்கள் தங்க சென்ற ஜி ஷை ஹோட்டலில் முன் பின் எங்கும் ஹோட்டல்கள். !

குவாலியர் ஸுரபியில் சுவையான ஷாஹி பனீரும், பால் ஜலேபியும் GWALIOR SURBHI HOTEL.

குவாலியர் ஸுரபியில் சுவையான ஷாஹி பனீரும், பால் ஜலேபியும் GWALIOR SURBHI HOTEL.

ஹோட்டல் சுரபி மத்யப் பிரதேஷ், குவாலியரின் மையப்பகுதியில் நயா பஜார், லஷ்கர் என்னுமிடத்தில் அமைந்துள்ளது. இங்கே வெய்யில் சும்மா கொளுத்தோ கொளுத்துன்னு கொளுத்தித் தள்ளிடுச்சு. யோகாசனத்துல இருக்க ஸததி, ஸதந்தா  ஷீதளி, பிராணாயாமம் எல்லாம் பண்ணிட்டு இருந்தேன் ஏசி ரூமிலும் ! துணியை துவைச்சு பால்கனில போட்டா பத்து நிமிஷத்துல சுக்கா காஞ்சிடும்.
ஒரு மூணு நாள் இங்கே தங்கி குவாலியர் கோட்டை, அங்கே இருக்குற சாஸ்பஹு மந்திர், குருத்வாரா எல்லாம் பார்த்தோம்.

ஞாயிறு, 7 மார்ச், 2021

ஜெய்சூர்யாவில் கொஞ்சம் தயிர் சேமியா :-

ஜெய்சூர்யாவில் கொஞ்சம் தயிர் சேமியா :-

ஈரோடு ப்ரப் ரோட்டில் அமைந்துள்ளது இந்த ஜெயசூர்யா ஹோட்டல். இது ராதா பிரசாத்தின் அருகிலேயே இருக்கிறது. காலை உணவு ராதா ப்ரசாத்தில் பஃபே. இரவு இங்கே உணவருந்தினோம்.

ஜெயசூர்யா டிபார்ட்மெண்டல் ஸ்டோர் 1989 இல் இங்கே ஆரம்பிக்கப்பட்டிருக்கு. அதன் பின் இந்த ஹோட்டலும் அதன் மேல் தளத்தில் திறக்கப்பட்டிருக்கு.

வெள்ளி, 5 மார்ச், 2021

கரூர் ஆர்த்தி .

கரூர் ஆர்த்தி .

கரூரில் தங்க அழகான ஹோட்டல் ஆர்த்தி. மேற்கு பிரதட்ஷணம் ரோட்டில் அமைந்துள்ள இது திண்ணப்பா தியேட்டரின் பக்கம் உள்ளது.  மிக வசதியான இந்த ஹோட்டலில் சில நாட்கள் தங்கி கல்யாண பசுபதீஸ்வரர், தான்தோன்றி ஈசுவரர், கொடுமுடி, கரூர் மாரியம்மா ஆகிய தெய்வங்களை வணங்கி வந்தோம். பஸ்ஸ்டாண்டு பக்கம். ஆட்டோவும் சீப்தான்.

அங்கே என்னைக் கவர்ந்த செந்நிற ரிஷப்ஷன் ( பவளம் ! ) பிள்ளையார்.

வியாழன், 4 மார்ச், 2021

ஸ்ரீ வெங்கட்ரமணா ரெசிடென்சியும் சாரங்கபாணி கோயிலருகில் சுடச்சுட இட்லியும்

ஸ்ரீ வெங்கட்ரமணா ரெசிடென்சியும் சாரங்கபாணி கோயிலருகில் சுடச்சுட இட்லியும

கும்பகோணம்வாசிகள் கொடுத்து வைத்தவர்கள். ஊர்தான் நாற்றம் பிடித்த ஊர்.  ( ஆசிலேட்டிங் பாப்புலேஷன் அதிகம் என்பதால் இருக்கலாம். ) ஆனால் உணவுவகைகளோ அட்டகாசம். காசுக்கேத்த பலகாரங்கள்.கிடைக்கும். அங்கே ரயில்வே ஸ்டேஷனில் கிடைக்கும் அருமையான பில்டர் காபியில் உற்சாகமான நாள் ஆரம்பிக்கும்.

எல்லா ஹோட்டல்களிலும் இட்லி  சாம்பார் நல்லா இருக்கும். ஆனா எக்ஸ்பெஷலி சாரங்கபாணி கோயிலுக்கருகில் இட்லி சாப்பிட்டுப் பாருங்க. அசந்து போவீங்க ஆனா அதுக்கு நீங்க இரவுவரை காத்திருக்கணும். ஏன்னா ராத்திரி ஆறு மணியிலிருந்து பத்து மணிவரைதான் இட்லி கிடைக்கும். இதுபோக பட்டர் ரோஸ்ட், பொடி தோசை,மசால்தோசை, அடை , பரோட்டா என விதம் விதமான விருந்து உண்டு. சாம்பார் சட்னியுடன் மிளகாய் சட்னியும் ஸ்பெஷல். அதோடு முக்கியமான விஷயம் இட்லிப்பொடி  நல்லெண்ணெயும் உண்டு.  மறக்காம கேட்டு வாங்கி  சாப்பிடுங்க.
என்னடா வெங்கட்ரமணா பத்தி சொல்ல வந்துட்டு சாப்பாட்டுப் புராணமா இருக்கேன்னு பார்க்குறீங்களா முதல்ல சோறு முக்கியம் அமைச்சரே. :)

சனி, 27 பிப்ரவரி, 2021

ஸ்ரீ ஷாந்த். காலை உணவும் கண்கவர் ஓவியமும்.

ஸ்ரீ ஷாந்த். காலை உணவும் கண்கவர் ஓவியமும்.


சேலத்தின் ஹோட்டல் ஸ்ரீ ஷாந்தில் உணவும் ஓவியமும் அருமை.

ரிஸப்ஷனிலும் லிஃப்டின் அருகிலும் ஒவ்வொரு தளத்திலும், அறையிலும்  உணவுக் கூடத்திலும் கூட ஓவியங்கள் அழகூட்டுகின்றன.

உணவும் நல்லாவே இருந்தது.

வித்யாசமான புடைப்புச் சிற்ப ஓவியங்கள் கண்ணைக் கவர்ந்ததால் க்ளிக் க்ளிக் தான். :)


கொம்பூதியபடி செல்லும் காவலர். குதிரையில் செல்லும் ராஜா . டோலியில் வரும் ராணி. அழகுச் சிற்பம். உணவுக்கூடம் ( பஃபே ஹால் ) செல்லும் வழியில்.

வியாழன், 25 பிப்ரவரி, 2021

ஹொடெல் ஸ்ரீ சாந்த் ஆ, ஸ்ரி சாந்த, ஷ்ரீ ஸாந்தா. ?!

ஹொடெல் ஸ்ரீ சாந்த் ஆ, ஸ்ரி சாந்த, ஷ்ரீ ஸாந்தா. ?!


ஏதோ கிரிக்கெட் வீரர் பேரைத்தான் கொழப்பிட்டேன்னு நினைக்காதீங்க. இது சேலம் ஃபேர்லாண்ட்ஸில் உள்ள ஒரு ஹோடேல் பேரு.

ஹோடெல் நல்ல வசதியான ஹோட்டல்தான். உள்ளடங்கி இருக்கு.

செவ்வாய், 23 பிப்ரவரி, 2021

ப்ளாஸ்டிக் முட்டையும் ப்ளாஸ்டிக் இட்லியும்.

ப்ளாஸ்டிக் முட்டையும் ப்ளாஸ்டிக் இட்லியும்.

ஆர்டர் செய்து சாப்பிட்டாலும் சரி. காம்ப்ளிமெண்ட்ரி ப்ரேக்ஃபாஸ்ட் அல்லது காம்ப்ளிமெண்ட்ரி பஃபேயில் உணவு கிடைத்தாலும் சரி. சில பொழுதுகளில் அருமையாகவும் பல பொழுதுகளில் துன்பமாகவும் அமைந்துவிடும்.

தோழமைகளோடு செல்லும் பஃபேயில் சாஸ், ஊறுகாய், சட்னி போன்றவற்றை ஒரு துளி நாவில் வைத்துச் சுவைத்தபின்பே சாப்பிடுவது வழக்கம். ஏனெனில் ஆதிகாலத்தில் செய்ததாய் இருக்கும். இல்லாவிட்டால் கண்டெயினர் மாற்றாமல் அதிலேயே கொட்டிக்கொண்டிருப்பார்களாய் இருக்கும்

அநேக ஹோட்டல்களில் பொங்கலும் கிச்சடியும் சரியாக வேகாமல் சகிக்காது. மல்லாட்டைச் சட்னின்னு ஒரு கொடுமை வேற.

கரூர் ஆர்த்தியில் மட்டுமே நான் தினம் தினம் ( ஒரு வாரம்) அற்புதமான வெண்பொங்கல் நெய் வழிய வழிய சாப்பிட்டிருக்கிறேன்.


யூ ட்யூப் சேனலில் 31 - 40 யூரோப் டூர் வீடியோக்கள்

யூ ட்யூப் சேனலில் 31 - 40 யூரோப் டூர் வீடியோக்கள்   நூல்பார்வைகள் பற்றிய வீடியோக்களோடு  பயணங்களில் (யூரோப் டூர்)  எடுத்த வீடியோக்களையும் என்...