எனது 24 நூல்கள்

எனது 24 நூல்கள்
எனது இருபத்து நான்கு நூல்கள்
KERALA லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
KERALA லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

திங்கள், 12 ஏப்ரல், 2021

ஆலப்பியில் கெட்டுவல்லப் பயணம். மை க்ளிக்ஸ். ALLEPPEY HOUSE BOAT RIDE, MY CLICKS.

ஆலப்பியில் கெட்டுவல்லப் பயணம். மை க்ளிக்ஸ். ALLEPPEY HOUSE BOAT RIDE, MY CLICKS.

சிந்துநதியின் மிசை நிலவினிலே .. 
சேரநன்னாட்டிளம் பெண்களுடனே
சுந்தரத் தெலுங்கினில் பாட்டிசைத்துத்
தோணிகளோட்டி விளையாடி மகிழ்வோம்..

என்ற பாடலைக் கேட்கும்போதெல்லாம் சேர நன்னாட்டிளம் பெண்கள் முண்டு அணிந்து சைடு கொண்டை போட்டுப் பூவைத்து சந்தனத் திலகமிட்ட முகத்துடன் புன்னகை சிந்துவார்கள் மனக்கண்ணில். 

ஆலப்பி எனப்படும் கிழக்கின் வெனிஸுக்குச் செல்லும்வரை அங்கே குருவாயூர் கோவில் போல் கேரள முண்டணிந்த எக்கச்சக்கப் பெண்கள் படகுகளை ஓட்டிக்கொண்டு இருப்பார்கள் என நினைத்ததுண்டு. இங்கோ அப்படி ஒரு பெண்குட்டியையும் காணில்லா. 

போட் ஹவுஸ் எனப்படும் படகு வீடுகள் லக்ஸுரி ஸ்டே' க்கானவை. அங்கே ஐந்து நட்சத்திர ஓட்டலின் வசதிகள் கூடக்கிடைக்கும். இரண்டு மூன்று நாட்கள் கூட இவற்றை வாடகைக்கு எடுத்துத் தங்குகிறார்கள். 

இங்கே அநேக பப்ளிக் ட்ரான்ஸ்போர்ட் எனப்படும் பொதுமக்கள் போக்குவரத்தே காயல்களில் வள்ளங்களைக் கொண்டுதான் நடைபெறுகிறது. 

எங்கெங்கு நோக்கினும் நீர்க்காடு. அதில் நாமும் ஓர் கொக்காய், வெண் குருகாய், நாரைகளாய், காட்டு வாத்துக்களாய், குயிலாய், நீர்வாழ்ப் பறவைகளாய்த் தோற்றமளிப்போம். தண்ணீரில் அடிக்கும் கவிச்சி வாடையைச் சுவாசித்து நிமிரும்போது வாயிலேயே ஏதேனும் மீன் பிடித்துவிட்டோமோ எனக் கூட ஐயம் ஏற்படும் :) 





தூரத்துப் படகு வீடு. 

வெள்ளி, 2 ஏப்ரல், 2021

பாலோடு, மை க்ளிக்ஸ். PALODE. MY CLICKS.

பாலோடு, மை க்ளிக்ஸ். PALODE. MY CLICKS.

இன்னெழில் கொஞ்சும் கேரளாவில் வாழும் நண்பர் ஒருவரின் அழைப்பிற்கிணங்க திருவனந்தபுரம் சென்று வந்தோம். அத்தோடு கோவளம் பீச், கொச்சுவேலி பீச், பாலோடு, பொன்முடி ஆகிய இடங்களையும் கண்டு களித்தோம். இத்துடன் திருவனந்தபுரத்தில் பத்மநாபசுவாமி கோவில் , ஆற்றுக்கால் பகவதி அம்மன் ஆலயம் ஆகியனவும் தரிசிக்கக் கிட்டின.

திருவனந்தபுரத்தில் இருந்து பாலோடுக்குச் சென்று அங்கிருந்து பொன்முடி சென்றோம். பாலோட்டில் அவர் மாமியார் வீட்டில் அருமையான காலை உணவு. உன்னியப்பம்,குழியப்பம் , இட்லி, சட்னி, சாம்பார் என அசத்தியதோடு மதிய உணவாக தேங்காய் எண்ணெயில் பொறித்த கோழிக்கறியும், கேரள அரிசிச் சோறும், கப்பக்கிழங்கு மசியலும் பருப்புக் கடையலும் செய்து கொடுத்தனுப்பினார்கள்.

முதல் மூன்று புகைப்படங்கள்  திருவனந்தபுரத்தில் எடுத்தது


இந்தத் தலைவரின் ( சிலை ) பெயர் எல்லாம் தெரியவில்லை.

திங்கள், 29 மார்ச், 2021

பொன்முடி , மை க்ளிக்ஸ். PONMUDI, MY CLICKS.

பொன்முடி , மை க்ளிக்ஸ். PONMUDI, MY CLICKS.

கேரளாவுக்குச் சென்றிருந்தபோது பொன்முடியை தரிசித்தோம். மேற்குத் தொடர்ச்சி மலையில் அமைந்த இந்தச் சிகரம் நிஜமாகவே பொன்முடிதான்.


திருவனந்தபுரத்தில் இருந்து பாலோடு போய் அதன் பின் பொன்முடி போனோம்.  அதன் பல்வேறு படங்களைப் பகிர்ந்துள்ளேன். பல அடுக்கு மலைத்தொடராக அமைந்தது பொன்முடி. பாறை, மண், பசுமை என வெரைட்டியான மலை.


வியாழன், 18 மார்ச், 2021

கொச்சுவேலி பீச்சில் கொஞ்சும் பூக்கள்.

 கொச்சுவேலி பீச்சில் கொஞ்சும் பூக்கள்.

கொச்சுவெளி பீச்சில் ஒரு அழகான பூந்தோட்டம் இருக்கிறது. அங்கே எடுத்த பல பூக்கள் இங்கே அணிவகுக்கின்றன. கேரளாவிலும் வீடுகளில் நிறைய பூக்கள் வளர்க்கிறார்கள். திருவனந்தபுரம், பாலோடு, பொன்முடி ஆகிய இடங்களில் எடுத்த புகைப்படங்கள் இங்கே அணிவகுக்கின்றன.

ஞாயிறு, 7 மார்ச், 2021

கொள்ளை கொள்ளும் கேரளா மை க்ளிக்ஸ். KERALA. MY CLICKS.

கொள்ளை கொள்ளும் கேரளா மை க்ளிக்ஸ். KERALA. MY CLICKS.

திருவனந்தபுரம் பத்மநாபசுவாமி திருக்கோயில்
கோயிலின் தெற்கு வாயிலில் திருவிதாங்கூர் ராஜா

வியாழன், 4 மார்ச், 2021

குமரகம், ஆலப்புழா மை க்ளிக்ஸ் MY CLICKS.

 குமரகம், ஆலப்புழா மை க்ளிக்ஸ் MY CLICKS.

கடவுளின் தேசம் என்றறியப்படக் கூடிய கேரளாவில் கட்டாயம் பார்க்கவேண்டிய இடங்களில் குமரகம், ஆலப்புழா படகுவீடுகளும் ஒன்று. இந்தியாவின் வெனிஸ் என்று இதை ஒரு ஆங்கில ஆட்சியாளர் புகழ்ந்தாராம்.

படகுவீடுகள், படகுப் போட்டி , மீன் பிடித்தல், பறவைகள் சரணாலயம், ரெசார்ட்டுகள் ஆகியன அடங்கியது குமரகம்.

இந்திய டூரிஸத்தில் இந்த இடத்துக்கு முக்கிய இடம்  உண்டு. இங்கே செல்லாத வெளிநாட்டினர் குறைவு. ஒரு விடுமுறை நாளில் நாங்களும் திருவனந்தபுரத்தில் இருந்து கொல்லம் வந்து இந்த இடத்துக்கு சென்று வந்தோம்.

பேக்வாட்டர்ஸ்  எனப்படும் இதில் போட் ஹவுசில் தங்கி இருப்பதை விட போட்டிங் சென்றுவருவது கொஞ்சம்  செலவு கம்மி. 1000 ரூபாயில் இருவர் மூன்று மணி நேரம் போட்டில் சென்று வரலாம்.

வறுத்த மீன் எல்லாம் தின்னல ஆனா பழம்பொரி சாப்பிட்டேன் :)
படகுவீடு பக்கத்திலும் தூரத்திலும் .

ஞாயிறு, 24 ஜனவரி, 2021

அபாய அழகோடு ஒரு அணை.

அபாய அழகோடு ஒரு அணை.

தூரத்தில் மனிதர்கள் இறங்கிக்கொண்டிருக்கிறார்கள்.
சென்றவருடம் கேரளா சென்றிருந்தோம். திருவனந்தபுரம் சென்றிருந்தபோது அங்கே கணவரின் நண்பர் கொச்சு வெளி பீச், கோவளம் பீச் எல்லாம் கூட்டிச் சென்றார்.

சனி, 16 ஜனவரி, 2021

கேரளா சோழா & ஹைலாண்ட்.

 கேரளா சோழா & ஹைலாண்ட்.

கோவை மலையாளிகளுக்குப் பிடித்தது மத்தி மீன் என்று கேள்விப்பட்டிருக்கிறேன். மீன் இல்லாமல் ஒரு நாள் கூட உணவு கிடையாது.

வியாழன், 7 ஜனவரி, 2021

பாலோடும், பால் மரக்காடும், பால் ஷீட்டுக்களும்.

பாலோடும், பால் மரக்காடும், பால் ஷீட்டுக்களும்.

கேரளாவில் ரப்பர் மரங்கள் நிறைந்த பாலோடுக்குச் செல்ல நேர்ந்தது. குறுமிளகென்ன, பலாமரமென்ன, தேங்காய் எண்ணெயில் பொறித்த நேந்திரம் சிப்ஸ் என்ன  என சுவையும், அழகும் , அசத்தலுமான ஊர். இயற்கை அழகு கொட்டிக் கிடக்கிறது.

புதன், 6 ஜனவரி, 2021

இன்னும் கொஞ்சம் இன்னெழில் கொஞ்சும் கேரளா.

இன்னும் கொஞ்சம் இன்னெழில் கொஞ்சும் கேரளா.

திருவனந்தபுரத்தில் முதன் முதல் சென்ற கோயில் பத்மநாபசாமி கோயில் . அதன்பின் பெண்களின் சபரிமலை என்று சொல்லக்கூடிய ஆற்றுக்கால் பகவதி அம்மன் ஆலயம்.

செவ்வாய், 5 ஜனவரி, 2021

கொஞ்(ச)சும் கேரளா. ஃபோட்டோஸ்ட்ராஃபியில். ( PHOTOSTROPHE)

கொஞ்(ச)சும் கேரளா. ஃபோட்டோஸ்ட்ராஃபியில். ( PHOTOSTROPHE)

அழகு கொஞ்சும் மலையாளக் கரையோரம் சில மாதங்களுக்குமுன்பு சென்றிருந்தோம். அங்கே என் மனதை விட்டு நீங்காத பத்மநாபரைத் தரிசிக்கச் சென்றிருந்தோம். டைட் செக்யூரிட்டி.  காமிரா மட்டுமில்ல, கார்ச்சாவியையும் வாங்கி வைத்துவிடுவார்கள். புடவை கட்டிய பெண்கள் போகலாம். மார்டர்ன் உடையணிந்த பெண்கள் உடையின் மேல் முண்டு கட்டினால்தான் போகலாம். ஆண்கள் பேண்டின் மேல் வேஷ்டியும் மேலே துண்டும் அணிந்தால்தான் போகலாம். டன்கணக்கில் தங்கம் இருப்பதால் இந்த செக்யூரிட்டி. எனவே வெளியே வந்து ஆசுவாசமாக மூச்சை இழுத்துவிட்டு புஷ்கரணியின் ஒரு ஓரமாகக் காரை நிறுத்திவிட்டு இந்த க்ளிக். ஃபோட்டோகிராஃபர் மீரா இதைப் பாராட்டி இருந்தார். ( முழுமையாகத் தெரியவில்லை இருந்தும் நல்ல பிக் ப்ரசண்டேஷன் என்று )

ஞாயிறு, 3 ஜனவரி, 2021

கொள்ளை கொள்ளும் கேரள வீடுகள்.

கொள்ளை கொள்ளும் கேரள வீடுகள்.

சில மாதங்களுக்கு முன்பு கேரளா செல்ல நேர்ந்தது. அங்கே நான் வியந்தது வீடுகள்.. நதிக்கரையோரம் அழகழகான வீடுகள்.. யப்பா.. சம்பாதித்த காசை எல்லாம் கொட்டிக் கட்டி இருக்கிறார்கள். கேரள வீடுகள் அதிகமாய் மர வேலைப்பாடுகள் கொண்டவை.

யூ ட்யூப் சேனலில் 31 - 40 யூரோப் டூர் வீடியோக்கள்

யூ ட்யூப் சேனலில் 31 - 40 யூரோப் டூர் வீடியோக்கள்   நூல்பார்வைகள் பற்றிய வீடியோக்களோடு  பயணங்களில் (யூரோப் டூர்)  எடுத்த வீடியோக்களையும் என்...