கொஞ்(ச)சும் கேரளா. ஃபோட்டோஸ்ட்ராஃபியில். ( PHOTOSTROPHE)

கொஞ்(ச)சும் கேரளா. ஃபோட்டோஸ்ட்ராஃபியில். ( PHOTOSTROPHE)

அழகு கொஞ்சும் மலையாளக் கரையோரம் சில மாதங்களுக்குமுன்பு சென்றிருந்தோம். அங்கே என் மனதை விட்டு நீங்காத பத்மநாபரைத் தரிசிக்கச் சென்றிருந்தோம். டைட் செக்யூரிட்டி.  காமிரா மட்டுமில்ல, கார்ச்சாவியையும் வாங்கி வைத்துவிடுவார்கள். புடவை கட்டிய பெண்கள் போகலாம். மார்டர்ன் உடையணிந்த பெண்கள் உடையின் மேல் முண்டு கட்டினால்தான் போகலாம். ஆண்கள் பேண்டின் மேல் வேஷ்டியும் மேலே துண்டும் அணிந்தால்தான் போகலாம். டன்கணக்கில் தங்கம் இருப்பதால் இந்த செக்யூரிட்டி. எனவே வெளியே வந்து ஆசுவாசமாக மூச்சை இழுத்துவிட்டு புஷ்கரணியின் ஒரு ஓரமாகக் காரை நிறுத்திவிட்டு இந்த க்ளிக். ஃபோட்டோகிராஃபர் மீரா இதைப் பாராட்டி இருந்தார். ( முழுமையாகத் தெரியவில்லை இருந்தும் நல்ல பிக் ப்ரசண்டேஷன் என்று )

அடுத்து சென்ற இடம் கொச்சுவெளி பீச்.. இங்கே கல் சிற்பங்கள் அழகூட்டியிருந்தன. மார்டன் ஆர்ட் சிற்பங்கள். இதில் கணவன், மனைவி போல அந்யோன்யமாயிருந்த இந்த சிற்பம் பிடித்தது. எனவே காமிராவில் சிறைப் பிடித்தேன்.

இது கடவுளின் தேசத்தில் ஒரு நீர்ப்பறவை. பெயரெல்லாம் தெரியவில்லை. என் லூமிக்ஸ் காமிராவில் அசங்காமல் நான் சுட்ட ஒரே பறவை இதுதான்.. போட்டிங்கில் கிட்டத்தட்ட 100 படம் எடுத்திருப்பேன். இது ஒன்றுதான் பர்ஃபெக்டாக வந்தது. எப்பிடி ஜம்முன்னு போஸ் கொடுக்குது பாருங்க. ஃபோட்டோகிராஃபர் மீரா கூட popping out from nowhere.. nice   எனக் கமெண்டியிருந்தார்.

இது ஆழப்புழாவில் உள்ள ஒரு ரெசார்ட் ஹோட்டல். போட்டிங் போகும்போது எடுத்தது.