தங்கச் சிகரம் பொன்முடி. ஷெனாய் நகர் டைம்ஸ் பத்ரிக்கையில்.

பொன்முடி :- ஷெனாய் நகர் டைம்ஸ் பத்ரிக்கையில்.

 ( ட்ரெக்கிங். )

 

எக்கோ பாயிண்ட்.

 

 

தேங்காய் எண்ணெயில் பொறித்த கேரள சிக்கன் கறி, கப்பக்கிழங்கு, சிவப்பரிசிச் சோறு, சிக்கன் க்ரேவி, தால். 

டிஸ்கி:- பாதாம் ஹல்வாவும் இன்னொரு முறை பிரசுரமாகி இருக்கு.

சென்னை அவென்யூவிலும் ஷெனாய் நகர் டைம்ஸிலுமாக இருமுறை. நெய் மட்டும் 200 கிராம்னு இருக்கணும். :)

தங்கச் சிகரம் பொன்முடி

 

  திருவனந்தபுரம் சென்றபோது பொன்முடிக்கு கணவரில் அலுவலக நண்பர் அழைத்துச் சென்றார். மேற்குத்தொடர்ச்சி மலைகளில் அமைந்துள்ளது. மிக அழகான அற்புதமான அனுபவம் அது.  மூணாறு, கொடைக்கானல் போல மலை ஏறுவதும் இறங்குவதுமே தெரியவில்லை. அவ்வளவு அழகான மலைப்பாதைகள். 22 ஹேர்பின் வளைவுகள். ஆனால் ஒரு மயக்கமில்லை, கிறக்கமில்லை. ஏனெனில் அவர் காரோட்டிய விதமும் அப்படி.

  கேரளாவில் காணவேண்டிய இடத்தில் பொன்முடியும் ஒன்று . ஒவ்வொரு கோணத்திலும் ஒவ்வொருவிதமான அழகைக் கொடுத்த மலை அது.மலையிலேயே ஒவ்வொரு இடமும் ஒவ்வொரு மாதிரி இருந்தது. சில பசுமை போர்த்தியும் சில மொட்டைப் பாறைகளாகவும். இருவேறு விதமான அமைப்புகளில், இங்கே மலை ஏறி வருபவர்களும் உண்டு. தேயிலைத் தோட்டங்கள் மூணாறு அளவுக்கு இல்லாவிட்டாலும் அங்கங்கே இருந்தன. 

  எக்கோ பாயிண்ட் இருக்கிறது. அங்கே விளையாட்டாக குழந்தைகள் கத்திப் பார்த்தார்கள். பசுமை படர்ந்த மயில் போல விரிந்து கிடக்கிறது பொன்முடி. கண்ணுக்கு மிகக் குளுமையாகவும் காட்சிக்கு இனிமையாகவும் இருந்தது.

  இங்கே அகஸ்தியர் கூடம் என்னும் சிகரமும் இருக்கிறது. ஆனா போகல. கிட்டத்தட்ட கேரளாவின் 60 சதவிகிதப் பறவைகள் இங்கேதான் இருக்கின்றன. பலவித வண்ணத்துப் பூச்சிகளும் இங்கே ஸ்பெஷல். அது போக வனத்தில் மட்டுமே இருக்கக்கூடிய டிரிவேங்கூர் ஆமை, மலபார் பறக்கும் தவளை, மலபார் மரத்தேரைன்னு பல உயிரினங்கள் இந்த மலையில் இருக்கின்றன.  

   பல வகையான பறவைகள் இருப்பதால் அதைக் காணவும் பக்கத்துல இருக்க சரணாலயத்துக்கும் மக்கள் படையெடுக்குறாங்க. நாங்க அங்க எல்லாம் போகல. கிடைச்ச அரை நாள்ல பாலோடிலிருந்து பொன்முடி போய் ( அங்கே உயரத்துல ஏதோ ஆராய்ச்சிக்கூடம் மாதிரி எல்லாம் இருக்கு. ) பார்த்துட்டு வந்தோம்.

  மலை மலையா கொஞ்சம் நடந்து நடந்த களைப்பு தீர  நண்பரோட மாமனார் வீட்ல கொடுத்துவிட்ட தேங்காய் எண்ணெயில் பொறித்த கேரள சிக்கன் கறியையும், கப்பக்கிழங்கையும் சிவப்பரிசிச் சோற்றையும், சிக்கன் க்ரேவியையும் தாலையும் சாப்பிட்டுவிட்டுக் கிளம்பினோம். வெய்யில் கொளுத்தினாலும் மிக அழகான பயணமாக அமைந்தது தங்கச் சிகரப் பயணம்.

 

நன்றி சுகுமார் சுவாமிநாதன் & ஷெனாய் நகர் டைம்ஸ்.  :)

மார்ச் 15 - 28, 2015 ஷெனாய் நகர் டைம்ஸில் பிரசுரமானது.