சுற்றுலாக்களும் சிற்றுண்டிகளும்: ஜுமைரா பீச். மை க்ளிக்ஸ். JUMEIRAH BEACH. MY CLICKS.

ஜுமைரா பீச். மை க்ளிக்ஸ். JUMEIRAH BEACH. MY CLICKS.

ஜுமைரா பீச். மை க்ளிக்ஸ். JUMEIRAH BEACH. MY CLICKS.

சிகாகோ பீச் , மியாமி பீச்சுக்கு சவால் விடும் வண்ணம் அமைந்துள்ளதே துபாயின் ஜுமைரா பீச். இங்கே வெளிநாட்டுப் பயணியர் வருகை அதிகம். அந்நியச் செலாவணி ஈட்டித்தரும் இடங்களில் இதுவும் ஒன்று. நிழற்குடையில் ஓய்வெடுக்கும் மக்களைக் காணலாம். பக்கத்திலேயே அவர்கள் தங்கியிருக்கும் ரெஸார்ட்டுகள்,ஹோட்டல்கள் அமைந்துள்ளன. வெளிநாட்டுக்காரர்களின் விருப்பமான டானிங்குக்கு ( வெய்யில் காய – தோலை அரக்கு நிறமேற்ற ) ஏற்ற இடம் இது :)

இது புர்ஜ் அல் அராப் மற்றும் அட்லாண்டிஸை ஒட்டி அமைந்துள்ளது. மோட்டார் போட்டுகள், மீன் பிடி படகுகள் , உல்லாசப் படகுகள் ஆகியவற்றையும் காணலாம்

நீர் விளையாட்டுக்கள் ஏதுமற்ற மென்மையான அலைகளை உடைய அமைதியான பீச் இது. மாலையில் ஒரு சூரியப் பந்து. நீரில் மூழ்கி வெள்ளிச் செதிகளோடு சுறாமீனாய் தரிசனம்.

மெட்ரோவில் இருந்து அட்லாண்டிஸ் தரிசனம். அழகிய வளைவான பீச். உயரக் கட்டிடங்களின் தூண்டிலில் அங்கங்கே நீந்தும்உல்லாசப் படகுகள்.

தூரத்தே வெள்ளி ஒளியில் புர்ஜ் அல் அராப். அட்லாண்டிஸில் பனைமர மணல் திட்டில் ( பாம் ஜுமைரா ) அமைக்கப்பட்ட மாளிகைகள்.

மெட்ரோவின் இந்தப் பக்கம் அட்லாண்டிஸ். அந்தப் பக்கம் 16 லேன் சாலையும் புர்ஜ் அல் அராபும்.அதோ தெரிவது என்ன கட்டிடம் எனத் தெரியவில்லை. மூன்று கோபுரங்களும் ஒரு பெரிய உப்பரிகையுமாக உள்ளது வீடா ஆராய்ச்சிக் கூடமா தெரியவில்லை.

பயணியர் கப்பல்கள். குடைகளில் இளைப்பாறும் கூட்டம். வெய்யிற் காய்ச்சல். வெண்கொற்றக் குடைகளோ :)

பாலம் தாண்டினா புர்ஜ் அல் அராப். தூரத்தில். ஏரியைப் போன்று சலனமற்றிருக்கும்ஜுமைரா பீச் . மோட்டார் படகு. கற்களைப் போட்டுக் கடலின் சீற்றத்தை அடக்கி இருக்கிறார்கள் அட்லாண்டிஸில்.