எனது 24 நூல்கள்

எனது 24 நூல்கள்
எனது இருபத்து நான்கு நூல்கள்

வெள்ளி, 2 செப்டம்பர், 2022

நீரின்றி அமையாது உலகு - 4. துங்கபத்ரா.

 நீரின்றி அமையாது உலகு - 4. துங்கபத்ரா.

மந்திராலயத்துக்கு இருமுறை சென்று வரும் வாய்ப்புக் கிட்டியது. அப்போது அங்கே துங்கபத்ரைக்குச் சென்று ப்ரோக்‌ஷணம் செய்து கொண்டோம். அன்று கண்ட மேனிக்கு அழிவில்லாமல் இருக்குது. எனவே இரண்டாம் முறை ஹைதையில் இருந்து சென்றபோது மந்திராலயம் & துங்கபத்ராவை எடுத்த படங்கள் பார்வைக்கு. 


துங்கபத்ரையைக் கடக்கும் பாலம். 

செவ்வாய், 2 ஆகஸ்ட், 2022

நீரின்றி அமையாது உலகு. - 3.ஹுசைன் சாகர் ஏரி.

 நீரின்றி அமையாது உலகு. - 3.ஹுசைன் சாகர் ஏரி.

ஹைதையில் செண்டர் ஆஃப் அட்ராக்‌ஷன் ஹுசைன் சாகர் லேக். 

டோமல் குடாவில் இருந்து ஒருமுறை போட்டிங்க் சென்று வந்திருக்கிறோம். அடுத்து எல்லாம் பயணப் பாதையில் தட்டுப்பட்ட ஏரியைத்தான் பார்க்க முடிந்தது. எங்கே ஏரி என கேக்குறீங்களா பாழாய்ப் போய் பேப்பர் குப்பைகளோடு பின்னாடியே வருது. 

இது ஹைதராபாத் செகந்திராபாத் ரயில் செல்லும் பாதையில் உள்ள மசூதி. இதைக் கடந்ததும் ஏரிதான். ரயில்வே ஸ்டேஷன் பக்கம் சுவர் அமைத்து அதோடு கம்பி வலையும் போட்டிருப்பது கண்ணைக் கவர்ந்தது. 

சனி, 9 ஜூலை, 2022

நீரின்றி அமையாது உலகு - 2. தாமரைத் தடாகங்கள்.

 நீரின்றி அமையாதுதான் உலகு. ஆனால் இதுபோல் கழிவுகளைக் கொட்டி ஆறு ஏரி ஏன் கடலைக் கூட மாசுபடுத்துகிறோமே இதெல்லாம் சரிதானா. 


ஹைதையில் உள்ள ஹுசைன் சாகர் ஏரியின் ஒரு பகுதிதான் இது. ப்ளாஸ்டிக் மிதக்கும் கழிவு நீராகி உள்ளது. நிறைய இடங்களில் சாக்கடையையும் கூட நதிகளில் ஏரிகளில் இணைத்துவிடுகிறார்கள். என்ன கொடுமை இது 

இது திருச்செந்தூர் பகுதியில் உள்ள ஒரு உப்பளமாக இருக்கவேண்டும். இடம் இப்போது ஞாபகம் வரவில்லை. 

ஞாயிறு, 5 ஜூன், 2022

நீரின்றி அமையாது உலகு - 1.

 நீரின்றி அமையாது உலகு - 1.

நீரின்றி அமையாது உலகு. உண்மைதான். நதிக்கரையோர நாகரீகம் மட்டுமல்ல. இன்றைய மெட்ரோ சிட்டி வாழ்விலும் கூட புழல் நிரம்பியதா வீராணம் வருமா என்றெல்லாம்தான் யோசிக்க வேண்டி இருக்கு. எனவே பயணப் பொழுதுகளிலும் ஆன்மீகத் தலங்களிலும் நான் பார்த்த புஷ்கரணி, தீர்த்தங்கள், நீர் நிலைகள், கம்மாய்கள், ஊருணிகள், நதிகள், கடல் இவற்றை ( பம்ப்செட், கிணறு கூட வரலாம். ) ஆகியவற்றைக் க்ளிக்கி இங்கே பகிர்ந்துள்ளேன். 

இது வைவரன் கோவில் புஷ்கரணி. வைரவ தீர்த்தம். தீர்த்தக் கரைதனில் ஐந்து ரிஷபங்கள் காவல் வேறு. இதுவே அழகாக இருந்ததால் இப்படி எடுத்துள்ளேன். 

மேலே காண்பது அரியக்குடி பெருமாள் கோவிலின் கருட தீர்த்தம். கிணறு வடிவில் உள்ளது இத்தீர்த்தம். இறங்கிச் செல்லப் படிகள் உண்டு. வெளிப்பக்கம் கதவு போட்டுப் பூட்டி வைத்திருக்கிறார்கள். 

செவ்வாய், 10 மே, 2022

டிப்ஸ் டிப்ஸ்தான். :)

 

டிப்ஸ் டிப்ஸ்தான். :)

 1. ஃபிரிட்ஜில் ஒரு கப்பில் கடுகு போட்டு நீர் ஊற்றி வைத்தால் ஃபிரிட்ஜில் பல்வேறு பொருட்கள், புளித்த தயிர், புளித்த மாவினால் ஏற்படும் கெட்ட வாடை நீங்கும்.

2.  தங்க நகைகளை ஷாம்பு போட்ட வெதுவெதுப்பான நீரில் பிரஷ் போட்டுத் தேய்த்துக் கழுவி உலர்ந்ததும் சிந்தூரப் பொடியால் நாய்த்தோலை வைத்துத் தேய்க்க புதிது போல மின்னும்.

3. வறுத்த கொள்ளுப்பொடி, அரை டீஸ்பூன், வறுத்த பார்லிப்பொடி அரை டீஸ்பூன், ஒரு தக்காளி, ஒரு கைப்பிடி புதினா கொத்துமல்லி கருவேப்பிலைத் தழைகள் போட்டு இரண்டு கப் நீரூற்றி வேக வைத்து எடுத்து மசித்து உப்பும் மிளகுத்தூளும் சேர்த்துப் பருக உடல் எடை குறையும்.

4.நான்ஸ்டிக் பாத்திரங்களை அதில் குறிப்பிட்டுள்ளபடி மிதமான தீயில் வைத்துத்தான் சமைக்க வேண்டும். ஹைஃப்ளேமில் சமைத்தால் அதில் உருவாகும் கெமிக்கல் உடலுக்குக் கெடுதல்.

யூ ட்யூப் சேனலில் 31 - 40 யூரோப் டூர் வீடியோக்கள்

யூ ட்யூப் சேனலில் 31 - 40 யூரோப் டூர் வீடியோக்கள்   நூல்பார்வைகள் பற்றிய வீடியோக்களோடு  பயணங்களில் (யூரோப் டூர்)  எடுத்த வீடியோக்களையும் என்...