காதல்வனத்தில் கவிதா
எனது 24 நூல்கள்
எனது இருபத்து நான்கு நூல்கள்
திங்கள், 2 அக்டோபர், 2023
வெள்ளி, 1 செப்டம்பர், 2023
க்ரீமி இன்னில் சில இனிப்பான சந்திப்புகள்
க்ரீமி இன்னில் சில இனிப்பான சந்திப்புகள்
சென்னை கே கே நகரில் இருக்கும் க்ரீமி இன்னில் ஆஸ், லதா, அருண் ஆகியோரைச் சந்தித்தேன். ஆஸ்வின் என் சாதனை அரசிகள் நூலில் இடம் பெற்றவர். டாக்டர் ஆஸ்வின் ஸ்டான்லி. நீங்க நினைக்கிற டாக்டர் இல்ல இவங்க. டாக்டரேட் பட்டம் பெற்றவங்க. மிக அருமையான எழுத்தாளர். என் ப்லாகுல சாட்டர்டே போஸ்ட்ல இயற்கை பற்றி அற்புதமா எழுதிக் கொடுத்திருக்காங்க. மிகச் சிறந்த கவிதாயினி. ஒரு கவிதைத் தொகுதி வெளிவந்திருக்கு. (டிஸ்கவரியில் கிடைக்கும் ) அகமதாபாத்தில் இருக்காங்க. அங்கே ( வதோதராவுக்கு ) நான் வந்திருக்கேன்னு சொன்னவுடனே தன்னோட வண்டிய எடுத்துக்கிட்டு எங்களப் பார்க்க வந்தாங்க. கை நிறைய அமுல் சாக்லேட்டுகளோட.
CREAMY INN WITH OSWIN 21 JULY 2011
என்ன ஐஸ்க்ரீம் ஆர்டர் கொடுக்கலாம்னு அருண் பேசிக்கிட்டு இருக்காரு ஆஸு கூட. எனக்கு கஸாட்டாதான் பிடிக்கும். ஆனா இங்கேயோ விதம் விதமான ஐஸ்க்ரீம்ஸ். சாப்பிட்டா வயிறு ரொம்பிரும். டாப்பிங்க்ஸும் பலவிதம். ஸாஸ், நட்ஸ் என்று க்ராண்டா இருக்கும்.
என் முன்னே இருக்கவங்க யார்னு சொல்லுங்க பார்ப்போம். கயலம்மாதான் :)
கயல் வருமுன்னாடி ரெண்டு குண்டூஸும் அருண்கிட்ட காமிராவைக் கொடுத்து எங்களைப் படம் எடுக்கும்படிச் சொன்னோம். பாவம் மனுஷன் எங்களைக் காமிராவுக்குள்ள அடைக்கிறதுக்குள்ள படாத பாடு பட்டுட்டார்.
அருண் வீட்டுக் கொலு பற்றி இரண்டு இடுகைகள் போட்டிருக்கேன். ஒருவருஷம் கயலோடயும் ஒரு வருஷம் வசுவோடயும் போயிருக்கேன். வெள்ளிக் கொலு ரொம்ப விசேஷம். வெள்ளியிலான பாத்திரங்களை சீரா வைச்சி அடுக்கி இருந்தாங்க.
எங்களுக்கெல்லாம் கப்பில் ஐஸ். ஆஸுவுக்கு மட்டும் கோன் ஐஸ். :)
அதே போல் சிங்கையிலிருந்து தங்கை லதா வந்தபோதும் க்ரீமி இன்ன் போனோம். லதாவின் மகன் அர்ஜுனின் செஸ் டோர்னமெண்டுக்காக வந்திருந்தாங்க. அவனோட சாம்பியன்ஷிப் பத்தி என் ப்லாகில் முன்னேயே எழுதி இருக்கேன்..
CREAMY INN WITH LATHA.. 24.JULY 2011
இது எங்க வீட்டுக்கு வந்திருந்தபோது. பேசிப் பேசி அவ எனக்கு தூரத்துச் சொந்தக்காரின்னும் கண்டுபிடிச்சோம்.
இதுதான் க்ரீமி இன்னில் அர்ஜுனுடன். கொஞ்சம் ஓவரா சிரிச்சிட்டனோ :)
லதாவின் அழைப்பின் பேரில் (தாமதமாக வந்து) செல்வாவும் கலந்து கொண்டார்.
இரண்டு மூன்று முறை லதா சென்னை வந்தபோதெல்லாம் என்னைப் பார்த்துச் சென்றிருக்கிறாள். எங்கங்கோ தூரத்தில் இருந்தாலும் எண்ணங்களின் ஒற்றுமையால் முகநூலின்வழி இணைந்தோம். ஐஸ்க்ரீமைப்போல நினைக்கும்போதெல்லாம் தித்திக்கும் நட்பு நமது. நன்றி லதா. & நன்றி ஆஸ்வின் & அருண்.
வெள்ளி, 4 ஆகஸ்ட், 2023
செவ்வாய், 4 ஜூலை, 2023
வலையுலக திரையுலகச் சந்திப்புகள்.
வலையில் எழுத ஆரம்பித்து அவை பத்ரிக்கைகளில் வெளியாகத் துவங்கியபின் சில பல வலையுலக திரையுலகப் பிரபலங்களைச் சந்திக்கும் வாய்ப்பும் கிட்டியது.
அவற்றுள் சில சந்திப்புகளை இங்கே பகிர்ந்துள்ளேன்.
சென்னை லாமிகிளில் எங்கள் முகநூல் நட்பு வட்டத்தின் முதல் சந்திப்பு நிகழ்ந்தது. அதில் நண்பர்களின் அன்பு அழைப்புக்கிணங்க இந்த வி ஐ பி வந்திருந்தார்.
அதற்கு முன்பே முகநூல் வலைத்தளப் பகிர்வுகளில் ஆச்சியின் தீபாவளிப் பலகாரங்கள் அட்டகாசம் என்று கருத்துரை நல்கியிருந்தார்.
நல்ல படங்களின் மூலமே அறிந்திருந்த மிகவும் எளிமையான இந்த மனிதரைச் சந்திப்போமென்று நினைக்கவேயில்லை.
அனைவருடனும் உரையாடிப் புகைப்படம் எடுத்துக் கொண்டார் நண்பர் இயக்குநர் சேரன். அதன்பின்னும் சிலமுறை நட்புவட்டங்களிலும் விசேஷங்களிலும் சந்தித்திருக்கிறோம்.
இதில் இருக்கும் விஐபிக்களின் லிஸ்ட் பெரிது. அனைவரும் நண்பர்கள் என்றாலும் எழுத்தாளர் மதுமிதா, மென்சஸ் குறும்படம் எடுத்த கீதா, இயக்குநர் மாகி, டெக்கான் க்ரானிக்கிள்ஸ் எடிட்டர் பாகி, இயக்குநர் நவீன், நடிகர் நிதீஷ்குமார் ஆகியோருடனான சந்திப்பு நம்மவீடு வசந்தபவனில் நிகழ்ந்தது..
செவ்வாய், 13 ஜூன், 2023
சிட்டுவுடன்.
சிட்டு தன் கணவர் சாலமன் குழந்தைகளுடன் சென்னைக்கு வந்திருந்தபோது சந்தித்தோம்.
எங்கள் அன்பிற்குரிய தங்கை, ப்லாகர் சித்ரா சாலமன் சென்னை வந்திருந்தபோது போரூர் க்ராண்ட் ரெசிடன்ஸியில் மே 31., 2011 அன்று விருந்தளித்தார்.
எக் ஃப்ரைட் ரைஸ், வெஜ் ஃப்ரைட் ரைஸ், மஞ்சூரியன், ஜூஸ், ஐஸ்க்ரீம், இன்னும் நிறைய ஐட்டம்ஸ். ரொம்ப நாளானதால மறந்தே போச்சு :)
சிட்டுவின் அன்புக் குழந்தைகள்.
யூ ட்யூப் சேனலில் 31 - 40 யூரோப் டூர் வீடியோக்கள்
யூ ட்யூப் சேனலில் 31 - 40 யூரோப் டூர் வீடியோக்கள் நூல்பார்வைகள் பற்றிய வீடியோக்களோடு பயணங்களில் (யூரோப் டூர்) எடுத்த வீடியோக்களையும் என்...
-
கல்கி குறுநாவல் போட்டி முடிவுகள். கல்கி குழும பவள விழா போட்டி முடிவுகள் ஜூன் 2016 இதழில் வெளியிடப்பட்டிருக்கின்றன. பாலா சார் கேட்டுக் கொண்...
-
திருக்குறள் தீபன். வாழ்வியல் நெறிகள் பொதிந்த திருக்குறள் பாராயணம் திருக்கோவிலூரில் அடிகளார் அவர்களால் நிகழ்த்தப்பட்டு வருவதாக கம்பர்விழாவி...
-
வாழ்நாள் சாதனையாளர் சுபாஷிணிக்கு வாழ்த்து. திருவள்ளுவர் நற்பணி மன்றம் பங்களா புதூர். ஈரோடு மாவட்டம். தமிழ்நாடு திருமதி சுபாஷிணி திருமலை ...

