எனது 24 நூல்கள்

எனது 24 நூல்கள்
எனது இருபத்து நான்கு நூல்கள்

வெள்ளி, 4 ஆகஸ்ட், 2023

இன்னும் சில சந்திப்புகள்.

ஜம்முவுடன் இரண்டாவது சந்திப்பு வைல்ட் அமேஸானில் :) 

பார்பக்யூ உணவுகள். மிக அருமையான விருந்து. புன்னகை அரசி ஜம்மு என்ற ராஜேஸ்வரி மலரவனுக்கு நன்றி :) 


ஜம்முவுடன் வைல்ட் அமேசானின் அல் அராபில்... ஜூலை 10 2011 இ்ல்.. என முகநூலில் பதிந்திருக்கிறேன் :)

செவ்வாய், 4 ஜூலை, 2023

வலையுலக திரையுலகச் சந்திப்புகள்.

வலையில் எழுத ஆரம்பித்து அவை பத்ரிக்கைகளில் வெளியாகத் துவங்கியபின் சில பல வலையுலக திரையுலகப் பிரபலங்களைச் சந்திக்கும் வாய்ப்பும் கிட்டியது.


அவற்றுள் சில சந்திப்புகளை இங்கே பகிர்ந்துள்ளேன்.


சென்னை லாமிகிளில் எங்கள் முகநூல் நட்பு வட்டத்தின் முதல் சந்திப்பு நிகழ்ந்தது. அதில் நண்பர்களின் அன்பு அழைப்புக்கிணங்க இந்த வி ஐ பி வந்திருந்தார்.

அதற்கு முன்பே முகநூல் வலைத்தளப் பகிர்வுகளில் ஆச்சியின் தீபாவளிப் பலகாரங்கள் அட்டகாசம் என்று கருத்துரை நல்கியிருந்தார்.

நல்ல படங்களின் மூலமே அறிந்திருந்த மிகவும் எளிமையான இந்த மனிதரைச் சந்திப்போமென்று நினைக்கவேயில்லை.

அனைவருடனும் உரையாடிப் புகைப்படம் எடுத்துக் கொண்டார் நண்பர் இயக்குநர் சேரன். அதன்பின்னும் சிலமுறை நட்புவட்டங்களிலும் விசேஷங்களிலும் சந்தித்திருக்கிறோம்.

இதில் இருக்கும் விஐபிக்களின் லிஸ்ட் பெரிது. அனைவரும் நண்பர்கள் என்றாலும் எழுத்தாளர் மதுமிதா, மென்சஸ் குறும்படம் எடுத்த கீதா, இயக்குநர் மாகி, டெக்கான் க்ரானிக்கிள்ஸ் எடிட்டர் பாகி, இயக்குநர் நவீன், நடிகர் நிதீஷ்குமார் ஆகியோருடனான சந்திப்பு நம்மவீடு வசந்தபவனில் நிகழ்ந்தது..

செவ்வாய், 13 ஜூன், 2023

சிட்டுவுடன்.


சிட்டு தன் கணவர் சாலமன் குழந்தைகளுடன் சென்னைக்கு வந்திருந்தபோது சந்தித்தோம். 

எங்கள் அன்பிற்குரிய தங்கை, ப்லாகர் சித்ரா சாலமன் சென்னை வந்திருந்தபோது போரூர் க்ராண்ட் ரெசிடன்ஸியில் மே 31., 2011 அன்று விருந்தளித்தார். 

 எக் ஃப்ரைட் ரைஸ், வெஜ் ஃப்ரைட் ரைஸ், மஞ்சூரியன், ஜூஸ், ஐஸ்க்ரீம், இன்னும் நிறைய ஐட்டம்ஸ். ரொம்ப நாளானதால மறந்தே போச்சு :) 

சிட்டுவின் அன்புக் குழந்தைகள். 


வியாழன், 4 மே, 2023

அக்கார்ட், மேரி ப்ரவுன், வஸந்தபவன் சந்திப்புகள்.

 அக்கார்ட், மேரி ப்ரவுன், வஸந்தபவன் சந்திப்புகள்.

 முகநூல் நட்புகள் சந்திப்பு சென்னையில் தொடர்ந்து நடந்துகொண்டு இருந்தது நான் அங்கே இருக்கும் வரை. அதன் பின் கொஞ்சம் கொஞ்சமாக அருகிவிட்டது என்றே சொல்லலாம். 

இது வடபழனி நம்ம வீடு வஸந்தபவனின் இளங்கோ மச்சி, தங்கை கீதா அழைப்பிற்கிணங்கக் கலந்து கொண்டது. கையில் கட்டு இருந்தாலும் ( லெகமெண்ட்ஸ் டிண்டான் கிழிந்து சர்ஜரி ) . மதுமிதா, வாணி, பாபு, மகி, நிதீஷ், மோகன், பாகி, கேபிபி நவீன், ஆகியோர் கலந்து கொண்டோம். அக்டோபர் 2 ஆம் தேதி இந்தச் சரித்திரப் பிரசித்தி வாய்ந்த சந்திப்பு நிகழ்ந்தது :) இவர்கள் எல்லாருமே மிகப் பெரிய ஆளுமைகள் என்பது நான் சொல்லாமலே தெரிந்திருக்கும். 


ஞாயிறு, 2 ஏப்ரல், 2023

இரண்டாம் மூன்றாம் நான்காம் சந்திப்புகள்

சென்னையில் இருந்தபோது முகநூலிலும் வலைப்பதிவிலும் எழுதி வந்ததால் நிறைய நண்பர்கள் சந்திக்க விரும்புவார்கள். அப்போது ஸ்டார் ஹோட்டல்களில் முகநூல் சந்திப்பு என்பது பிரபலம். முதன் முதலில் எங்கள் வட்டத்தின் நண்பர்களைச் சந்திக்க புருனேயிலிருந்து வந்திருந்தார் ஜம்மு. இவர் மயிலாடுதுறையைச் சேர்ந்தவர். பெயர் இராஜேஸ்வரி மலரவன். இனி எங்கள் ஜம்முவுடனும் கயல், அன்புடனும்.

இந்த சந்திப்பு ஜூன்1,  அன்று ராதா பார்க் இன்னில் நடந்தது. அன்றைக்கு நாகா, செல்வா, வசு , ஜம்முவின் சகோதரியும் வந்திருந்தார்கள்.தொலைக்காட்சி நடிகர் போஸும் அந்த ஹோட்டலுக்கு வந்திருந்தார்.


யூ ட்யூப் சேனலில் 31 - 40 யூரோப் டூர் வீடியோக்கள்

யூ ட்யூப் சேனலில் 31 - 40 யூரோப் டூர் வீடியோக்கள்   நூல்பார்வைகள் பற்றிய வீடியோக்களோடு  பயணங்களில் (யூரோப் டூர்)  எடுத்த வீடியோக்களையும் என்...